Psa 87 | CebAPD | STEP

Psalms 87

Pagdayeg sa Jerusalem

1 – 2 Gitukod sa Dios ang siyudad sa Zion ^{▼▼Zion: mao usab ang Jerusalem.} didto sa balaang mga bungtod.
Gihigugma niya kining siyudara labaw sa tanang mga dapit sa Israel. ^{▼▼Israel: sa Hebreo, Jacob.}
3 Maayong mga butang ang gipanulti niya mahitungod niining iyang siyudad.
4 Miingon siya, “Kon ilista ko ang mga nasod nga nagaila kanako,
iapil ko ang Ehipto ^{▼▼Ehipto: sa Hebreo, Rahab. Mao kini ang tawag sa dragon nga nagarepresentar sa Ehipto.} ug ang Babilonia,
apil usab ang Filistia, Tyre, ug Etiopia. ^{▼▼Etiopia: sa Hebreo, Cush.}
Isipon ko ang ilang mga katawhan nga mga lumad sa Zion.”

5 Sa pagkatinuod isulti kini mahitungod sa Zion:
“Daghang mga katawhan ang isipon nga gipanganak dinhi.
Ug ang Labing Halangdong Dios gayod mao ang molig-on niining siyudara.”
6 Ilista unya sa Ginoo ang iyang mga katawhan
ug iapil niya ang mga katawhan gikan sa ubang nasod nga giisip niyang mga lumad sa Zion.
7 Silang tanan mosayaw ug moawit,
“Gikan sa Zion ang tanan natong panalangin!”